قصائد مغناه

كلمات الشاعره السعوديه / غيوض
اشتقت لك حيل يالغالي=عسى الليالي يجيبنـك
واستر بك يا بعد حالي.. حيث ان ظني على ظنك
إنت الذي بس يحلالـي.. أغليك يالزين وأحنـك
إن غبت ما يهنني بالي.. أخشى الليالي يهدنـك
عني وأنا أصبر بالتالي ..محروم منك ومن فنـك
اغليك يا لطيب الغالـي.. عسى المنايـا يعافنـك
اغليك بقفـاي وقبالـي.. عواطفي لـك يطيعنـك
لو تطلب العين والمالي ..لا قول خذهن ويفدنـك
----
رحت يم الطبيب اللي يداوي الجروحي
قال جرح المـودّة مـا يسـر الـدوا بـه
قلت قلبي تكلّف يا الطبيب النصوحـي
قـال طبّـه مـع اللـي ولّعـه وإشتقـى بـه
قلـت بالله تجمّـل دلّنـي ويـن أرو حـي
ويـن أبلقـى علاجـي و الأداوي تشـابـه
أوّل الليل أهوجس و آخـر الليـل أنوحـي
وا عـذاب المولّـع بالهـوى وا عذابـه
صابني بالعيون والحجاج الذبوحـي
و أحمـر المبسـم اللـي مـا يعالـج صوابـه

منك روحي خطيرة يا حبيبي تروحي
الهـوى يذبـح العاشـق وهـو مـا درابـه

ليت عينك تشوف وليت مسمعك يوحي
يوم انادي ودمعي مثل وبل السحابـه

اه من واهج اه بأقصى الضماير يفوحي
كل ماشرب عليه الماء يزيد التهابه

ياحبيبي علامك بالمواصل شحوحـي
ارحـم الـي معـاك مـا جابـه الـورق جابـه

جاك علم الصحيح و راح هرج المزوحي .
كل شي الا التّفرق ماحسبنـا حسابـه
---
علمتني وشلون احب
علمني كيف انســــــــــى
يابحر ضايع فيـــــــه
الشط والمرســـــــــــــى
علمتني وشلون احن
علمني كيف اقســـــــــى

سير علي ..
بس امسح دموعي وروح
سير علي ..
جب لي معك قلـــب وروح
سير علي ..
اذا تذكرت الجــــــــــروح
ياطاغي النظرة خـطا
تجزى بهالبخل العطا
وانا اللي اهديتك أمن
عين وجفــــن
هذي فراش وذا غطا
ويا بحر ضايع فيه ..

ياجرح من وين ابتدي
وانت معي من مولدي
وعيت يـــدي
على وداعك تهتـدي
بس انت علمني الجفـــــا
دامني عجزت اعلمك كيف الوفا
ويا بحر ضايع فيه
---
هـااي لفنـان العرب بعــد .,.,.,

أميرة الورد ليه الورد مفتونك
ليه بحياته يحاول يشبه ألوانك
كم من فراشة تمنت تلمس غصونك
والورد ياما تمنى يعيش بأغصانك
إذا ابتسمتي يذوب السكر بلونك
ويزور شهد الحياة قلوب خلانك
والليل يغفى ويصحى بس في عيونك
والصبح خدك ونور الشمس عنوانك
ما الوم كل العذارى لو يحسدونك
ما دام تضرب بك الأمثال عربانك
والناس دايم على الفطرة يحبونك
ومن كثر طيبك وعالي قدرك وشانك
يا غنوة الحب لي دايم يغنونك
كل القلوب بغلاها صاغت ألحانك
وأنا بودي أكون السعد في كونك
وأكون غنوة تغنى بس على شانك

---
كلمات البدر

لليل احبك مابقى فـي السمـا نـور
والى ضواني الليل .. للصبح أحبـك
واللحظة اللي كلهـا عنـد وغـرور
أشوف قبري بين عينـك .. وقلبـك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابـه غيـر لوعاتـي قصـور
وخوفـي عليـك الله ربـي وربـك
ما بي جهد ابني على صمتك جسور
لا حيرتني أسباب سلمـك وحربـك
العمر أحبك .. مابقى فينـي شعـور
والى جفاني العمر .. وشلون أحبـك
---
خالد الفيصل ( دايم السيف )
:
استكثرك وقتي علي وغدابك
عادة زماني كل ما طاب هوّن
ليت الذي ودّاك يازين جابك
تشوف عقبك كيف الايام سوّن
شرق مشيت وغرب وقتي مشى بك
والقلب ماله لايم فيك لو ون
عقب الهنا بك ذاق لوعة عذابك
تــلونت دنيــــاه .. ولا تـلون
طويتني طي الورق في كتابك
حتى معاليق الحشا لك تطون
اشتقت لايام الهوى في جنابك
يوم الشموع بليل الاحباب ضوّن
واشتقت اقول لهاتفك مرحبا بك
وأشتقت لغيوم الصحاري تكوّن
عوّد ترى داعي الهوى عند بابك
وارو القلوب اللي بعد ما تروّن
غنيت لك عمري ولا جا جوابك
وأسمي مع مجنون ليلي تدوّن
---
رابح صقر
الحب واحـــــــــــــد مابه اول وثاني *** واللي يعدد بين الأحباب كذاب
الحب صدق احساس شوق ومعاني *** ولا تغيــره الليـالــي والأسبـــاب
كل يمر بتجربات ومــــــــــــــــواني *** وما كل نجم يسدّ عن نجم لا غاب
وما كل قلب كل مـــــــــــــــره يعاني *** ويقول أنا في الحب عذبت الأحباب
إلا الذي في طبعه بحبه أنــــــــــــاني *** ناقص وفى او فاقد أحساس وأصحاب
والحب ماهو من كبار الأمـــــــــاني *** الحب مركب يغرق بزود ركاب
وانا هويت ويا كثر مــــــــــن هواني *** والى اليوم وانا قلبي من الحب ما تاب
وحبك صــــــــــار أول وثاني *** وإن قلت لك غيره فأنا أكون كذاب
---
وهذي بعد اغنية خالد عبدالرحمن
اصدق معاذيري
كلماتها
اصدق معاذيري:
ان كان حبي لك هو اعظم خطاياي
ما اقول يا نفسي عن الحب توبي
اجمل خطاياي واخر احدود دنياي
واصدق معاذيري واطهر ذنوبي
نزعات روحي لك تباري نواياي
والقلب يملك والمشاعر صعوبي
حب لك الله ماكل في حناياي
ابيه لو ضعفي باكبر عيوبي
كل الهوى والحب باقي بقاياي
خذت وله واتلاه واقول ذوبي
ومن له مثل حبي يسوي سواياي
ياصل مواصيلي ويسلك دروبي
---
هذي لابو نوره ( محمد عبدو )
تعذبني ولا تدري بعذابــــي...
عذاب الحب يذبح من يصيبه
بحر حبك غدا بي وانتحابي...
ولا فزعه ولا ديره قريبـــــــه
اصيح صياح ماحي درابــي ..مصـيـــــبـــه..
وان حكيت اكبر مصيبه
ولو اخفيت ما يخفى صوابي ..صواب الحــب..
طــبـــه من طـبـيـبـه
ولا جاني وصاة ولاكاتبـــي ..اسلــــيــبـــه..
عـيـونـي واهــتـنـيـبه
الا ياسيد الرعـاة الـرتـابــي ..خسارة حــب..
غـيــرك وش ابـيـبــــه
ولاكن من بغى وصلك يهاب ..ولا يــاصـــل ..
علــــم او يــجــيــبــه
---
لو وفيت
محمد عبده خالد الفيصل
:
لو وفيت وجيت يوم زرتني
لو صدقت افنيت روحي في هواك
لو سمحت بنظرتك وامهلتني
احضن عيونك بقلب ما نساك
لو لمست الوجد بي ولعّتني
واهتديت بنور قلبي وافتداك
لو نظرت بعين قلبك شفتني
مامعي مخلوق يستاهل غلاك
ليتك من الحب ماخوفّتني
كان اعيش الفين عمرٍ في رجاك
يا قليل الحظ لو رغبتني
كان اخجّل كل بدر من ضياك
----
ضايق الصدر
ضايق الصـدر بالله وسـع الخاطـر
دنيـاك يازيـن ماتستاهـل الضيقـة
الله علـى مايفـرج كربتـك قــادر
والله له الحكـم فـي دبـرة مخاليقـه
حلو العيون استهانت دمعهـا الحـادر
كف العباير حزيـن الدمـع ماأطيقـه
حرام كيف الحزن يغشي وجهك الطاهر
والورد في وجنتـك حـرام تجريحـه
يفداك قلب علـى ماتشتهـي حاضـر
يفداك باللي بقـى لـي مـن معاليقـه
مافـات خلـه ولاتهتـم مـن بـاكـر
واغنم مـن اليـوم ماساقـت توافيقـه

للشــاعـــر الأميـــر : خالد الفيصل
غنــاء : محمــد عبده
----
صدفه

صدفه ومن بين كل الناس علقني
من يوم شفته وعيني جات في عينه
حسيت شي في عيونه حيل يجذبني
لما ابتسم بانت بوجهي تلاوينه

سلم عليي وجلس جمبي وكلمني
كل الحواجز تلاشت بيني وبينه
اخذ ايديني بايديه وقام يوصفني
ولا تمنيت ايدي تترك ايدينه

قالي كلام بصراحه حلو دوخني
ماقد سمعت بحلاته اه يازينه
معاه احس الأغاني عنه وعني
واجمل اغاني الغزل شعري وتلحينه

غناء : يارا
---
عيال حارتنا -
كلمات فيصل اليامي - غناء علي بن محمد

ياليت أن الزمن يرجع ورى ولا الليالي تدور
ويرجع وقتنا الأول وننعم في بساطتنا
زمان أول أحس انه زمانًًًًٍٍ فيه صدق شعور
نحب ونخلص النيه.. وتجمعنا محبتنا
زمن ما فيه لا غيبه.. ولا حتى نفاق وزور
ياليته بس لو يرجع ونسترجع طفولتنا
صغار قلوبنا بيضا..نعيش بعالمٍ محصور
ولا نعرف ابد اغراب ما غير عيال حارتنا
صحيح صغار فالتفكير لكن ماعلينا قصور
نخطط نكسر اللعبه.. وتسعدنا شقاوتنا
نروح المدرسه بدري ..ونضحك داخل الطابور
نحاول نزعج العالم في روحتنا وجيتنا
وعشان نأخر الحصه.. نخبي علبة الطبشور
نشاغب بس فالآخر.. تميزنا برائتنا
نحب الضحك والهيصه.. نحب انط فوق السور
نفرفش.. ليه مانفرفش مدام الضحك عادتنا
ولكن دارت الأيام.. وبان الخافي المستور
وصار الهم متعلي على قمة وسعادتنا
كبرناوصارت الدنيا تصف أحزاننا بالدور
وتهدينا الألم والهم غصب عن عين رغبتنا
تعبنا من بلاوينا ..أحد ضايق وأحد مقهور
وكلٍ غارق بهمه.. وفالآخر تشتتنا
وأنا ما أقول غير الا ياليت ان الزمان يدور
ويرجع للورى فتره.. نعّدل وضع عيشتنا
--
يقول من عدى على راسي عالي ♥ ♥ ♥ ♥ ♥ رجم طويل يجهله كل جرنـــاس
في راس مرجومِ عســير المنالي ♥ ♥ ♥ ♥ ♥ تلعب به الأيام مع كل نسناس
في مهمه قفر من الناس خالي ♥ ♥ ♥ ♥ ♥ يشتاق له من حس بالقلب هوجاس
قعدت في راسه وحيدٍ لحـــالي ♥ ♥ ♥ ♥ ♥ كني براس الرجم مرقوب ٍ وحـراس
مذكر في مرقدي وش جـــرالي ♥ ♥ ♥ ♥ ♥ وصفقت بالكفين ياسن على يــاس
اخذت اعد ايامها والليالي ♥ ♥ ♥ ♥ ♥ دنيا تقلب ما عرفنا لها قيـاس
كم فرقت ما بين غالي وغـالي ♥ ♥ ♥ ♥ ♥ لو شفت منها ربح ترجع للأفـلاس
تقطعك دنيا مالها أول وتالي ♥ ♥ ♥ ♥ ♥ لوضحكت للغبن تقرع بالأجــراس
المستريح اللي من العقل خالي ♥ ♥ ♥ ♥ ♥ ما هو بلجات الهواجيس غطــاس
ما هو بمثلي مشـــكلاته جلالي ♥ ♥ ♥ ♥ ♥ ازريت اسجلهن بحــبر وقرطــاس
حملي ثــقيل وشـايله بحتمالي ♥ ♥ ♥ ♥ ♥ واصبر على مر الليالي ولاتـعاس
وارسي كما تري رواسي الجبالي ♥ ♥ ♥♥ولا يشتكي ضلعِ عليه القدم داس
لا خاب ظني بالرفـيق المــوالي ♥ ♥ ♥ ♥ ♥ مالي مشاريهن على نايد الناس
لـعل قصرٍ ما يجيله ظــلالي ♥ ♥ ♥ ♥ ♥ ينهد من عالي مبانيه مبانيه للساس
والبوم في تالي هذامه يلالي ♥ ♥ ♥ ♥ ♥ جزاك يا قصرِ خــلا وكــر الادناس
لي صار ما هو مذهلِ للرجالي ♥ ♥ ♥ ♥ ♥ومنجى لمنهو يشكي الضيم والباس
بحسناك يا منشي حقوق الخيالِ ♥ ♥ ♥ ♥ ♥ ياخالق أجناس ٍ ويا مفني أجناس
متى تربع دارنا والمفـالي ♥ ♥ ♥ ♥ ♥ وتخضر فيـاضِ عقـب ماهـي بيبـاس
ونشوف فيها الديدحان متوالي♥ ♥ ♥ ♥ ♥ مثل الرعاف بخصر مدقوق الالعاس
ينثر على البيدا سواة الزوالي♥ ♥ ♥ ♥ ♥ يشرق حماره شرقة الصبغ بالكاس
رائعة من روائع محمد السديري
غناء :محمد عبده
----
أهلاً هلا بك .. يا بعد كل من لي يا أغلى من الغالين يا روح روحي
يفزّ لك قلبي .. وأرحّب وأهلّي تطيب لي قربك جميع الجروحِ
لك طلعةٍ مثل القمر يوم هلّي خلاّ سواد الليل نورٍ يلوحِ
يمّك دعاني زايد الشوق كلّي جيتك وأنا قلبي بحبك يبوحِ
تعال نحكي عن مشاعرك قل لي واحكي لك همومي وجرحي ونوحي
هاج الغرام وتلّه الود تلِّ قلبٍ قبل عرفك حياته مزوحِ
كلمات : ( سعود بن عبد الله )
ألحان وغناء: ( خالد عبد الرحمن)
---
في غربتي
في غربتي تغرّب النور عن عيني وش حاجتي في نور عينٍ غاب غاليها
عمر السفر يا نظر عيني قضى فيني نفسي على ما تعاف أمر الله حاديها
يمّك حبيبي عظيم الشوق يدعيني يسري بعروقي كما تسري الدما فيها
علي خطرها حياتي يا معنّيني بعدك عطبها وشوفك حيل يشفيها
أخاوي الليل وهاجس ليلي يخاويني يمّك سرابي داعي الذكرى بحاليها
أقضي بدنيا لعيني شوف رمشيني إلا متى عيني على شوفك تمنيّها
كلمات : ( مخاوي الليل )
ألحان : ( خالد عبد الرحمن)
---
صفحة جديدة
افتحي صفحة جديدة يا ملاك
وانسي اللي فات ونبدأ من جديد
دام قلبي يحترق ما قد نساك
والمشاعر في هوى حبك تزيد
ما كفاك إني على درب الهلاك
أنزف الدمعة كما نزف الوريد
من عذابي بس أفكر في رضاك
وانتي احساسك عن احساسي بعيد
وافيٍ صادق معك أطلب عطاك
وش بغيتي حب ثاني ما يفيد
كلمات : ( بندر الرشود )
ألحانوغناء : ( خالد عبد الرحمن)
---
عشق بدوي
نويت مرباع الغظي سيد الأحباب قصدي يزول الجرح زاد إلتهابه
جيت وبقايا نارهم حول الأطناب بيت الشعر مطوي وباقي زهابه
أقفت ركايبهم ومن الهدب ذاب من دمعي أسأل وانذهل بالإجابة
على غزير الدمع ضميت الأهداب صديت لين الدمع يكفي سحابه
بعض الوجاع يمكن يداويه الأعشاب وبعض الوجاع يا ويل منهو سطا به
عشق بدوي لا حب ما هو بكذاب يوفي ولو جرحه تجدّد صوابه
واليوم وصلت لبيننا مثل الأجناب ذاك الغلا يا ضيعته يا سفه به
باكر إذا جينا لهم مثل الأغراب من عقب ما كنا الأهل والقرابة
الأمر لله كل شيء له أسباب وإلا الهوى وش لي على هدّ بابه
وشلون قلبي ما يجي اليوم منصاب على الثقل منقوش بعض الكتابة
حتى أثر مشيه مع سهول وهضاب مرٍّ يبين ومرٍّ ما يندرى به
قلبي من الفرقا صويب ومرتاب كنه غدا نصفين من هو لفا به
حزني عليه إنه تسبب ولا طاب نظرة طبيبه عجّلت في ذهابه
ريح الخزامى والنفل زين الأطياب يشدّني ريح السّمر في ثيابه
لأقبل نسيم الليل له فيه خيل وركاب وله في طلوع الشمس عز ومهابه
كلمات : ( سعد الخريجي)
ألحان : ( صالح الشهري )
غناء : خالد عبدالرحمن
----
عيون الحب
عيون الحب لا يمكن تناظر عيوب الخل لو هو عيب كله
تماري فيه وبوصفه تكابر ترى من فوق خلق الله محله
رفيق الليل بالشباك ناطر وأثاري الليل شباك لخلّه
حفظ أحلى الكلام وصار شلعر بصبرٍ ينتظر والصبر ملّه
حبيبٍ عشت في دنياه عابر حسب قوله ويا شاريٍ قل له
أنا ضحيت له وارجي وصابر وإذا عيّا أقول الله يحلّه
أنا اللي أنتظر يا بعد باكر يبي السلوان والذكرى تظله
عيون الحب في قلبي تناظر تشوف اللي عيوني ما تدلّه
كلمات : ( طلال الرشيد )
ألحان وغناء : ( خالد عبد الرحمن )
---
تعالي
تعالي نسكت أحسن من كلامٍ تاليته جروح
هلا بالصمت دام الصمت ما يجرح مشاعرنا
أنا وانتي وطول الصمت والدمعة وكثر البوح
وليلٍ ما بقى به حيل ينهانا ويامرنا
بكى ما كنه اللي كان يغرينا فرح ومزوح
سكت ما كنه اللي كان ملهمنا وشاعرنا
توحّي تسمعين الليل ما أدري وش بلاه ينوح
على ضحكاتنا ولّى على كسرة خواطرنا
إذا يبكي من الفرحة علينا علّميه يروح
وإذا يبكي حزن تكفين قولي له يسامرنا
ويجبر خاطرٍ قامت هواجيسه تجي وتروح
يشوف الحال ويكفّ السؤال اللي محيّرنا
صحيح إنا صبرنا واعتبرنا صبرنا مصلوح
ولكن ما بقى شيء عقب هذا يصبّرنا
دخيل العاتق اللي له ورى ليل الجديلة ضوح
وفي جاه الشفاه اللي بنسمتها تعطّرنا
وفي وجه العيون اللي بقى للدمع فيها روح
لأجل خاطر ليالينا وماضينا وحاضرنا
كلمات : ( رشيد الدهام )
ألحان : ( سلطان الشادي )
خالد عبدالرحمن
---
وش تنتظر
وش تنتظر يا محرق القلب بالنار
ما تستلم روحي وتقضي عليها
أنا رمتني في محبتك الأقدار
والروح سو اللي تبي اليوم فيها
ما عاد فيها فايدة صار ما صار
اللي تبيه العين قلبي يبيها
لو أعتذر ما به مجالٍ للأعذار
ليت السلامة تنشري واشتريها
ولا أتعذب طول هالوقت وأحتار
مع من خذتني لعبةٍ في يديها
تلعب على ما تشتهي بي وتختار
وأنا الهوا ما ودي إنه يجيها
يجرح مشاعرها وأنا أخاف وأغار
حتى من الريح الخفيّة عليها
كلمات : ( محمد الناصر )
ألحان : ( سلطان الشادي )
خالد عبدالرحمن
-----
اهااااااات:
آهات من طول العنا طاولتني
ونفسي من الفرقا وحالي صخيفه
جارت على من الفراق و قصتني
غزت ولاكن ما نوت بالنتيجه
بهمومها الي شفتها منها كوتني
هذا الي خلى حياتي مخيفه
باكر يروعني وانا فيه ختني
واقول ليت الغيب يبخل بحيفه
خير السعاده بالهوى خالفتني
خالفت معها عين قلبي وريفاه
خبت هبوب بالنياح عطشتني
وكم غالي قبلي ضماء من وليفه
ليت الليالي عن غرامي نهتني
ولا بدا زرع الامل منك هيفه
ولا النها في غايتي خيرتني
واختار انا مرباع قلبي وصيفه
خل جيوشه بالمحبه غزتني
وانا اسير للعيون العفيفه
اغلى هجوس طول الايام جتني
اكل هجوس الي تجيني بطيفه
الماضيات الي بغيبها منصفتني
والمقبلات ترجي عدلها خليفه
اتبع ظنون للهوى ما شفتني
احسب حمولي بالمحبه خفيفه
واليوم ظالمك المحبه طوتني
طي الورق يوم انطوى به خريفه
واشباح يا سيد بالهموم عثرتني
وانا على اسباب صدق كليفه
اشيل حتى راضي فوق متني
واروح نفسي من حياتي معيفه
واقول الي بالجفا عذبتني
عسى الشقا من بيننا بالنصيفه
شربت من فيض الشقا واشبعتني
دنيا مع الاحزان ضد حليفه

خالد عبدالرحمن
-----]
الذاهبه
الله الي راد و العقده قضاها الي عقدها *** لا على الدنيا سلام ولا باقي العمر زينه
الفضاء ما كنه الى خيمه طاح عمدها *** والفرح ما كنه الى شيخ قصه يدينه
والعمر قطعه زجاج كسره ولا طال امدها *** والعرب في العيد بدموع اليتاما مستهينه
والشوارع لفها ثوب الظلام الي هجدها *** والبيوت اطلال من عقب المحبه والسكينه
والشتاء والليل والبرد وسما يصرخ رعدها *** والعيون الي ورا الشباك مذعوره حزينه
طولوا في الكهف الاصحاب وبقت روحي وحدها *** كنا في كوكب ثاني خلا من ساكنينه
الوداع الي بعلم العين يعبر من رمدها *** والوداع الي بلا بعلم القفا الصدر غبينه
والوداع الي بلا رجعه عليا مر رودها *** والله انه غرغرت سن وسكاكين سنينه
والعنود الي جفيت الناس والدنيا بعدها *** مدت الفرقا الغاليها وهي تعطي الثمينه
وينها كيف تركتني ليه ما جت في وعدها *** والقمر لا طل خابرها تجي بيني وبينه
رحت انادي واتلمس في مهب الريح يدها *** كني حصان بلا صاحب طوى البيدا حنينه
رحت الصيح الصبح وينه والعرب ما رد احدها *** ما سمعت الى صدى صوتي يقول الصبح وينه
كنهم من يوم ذيك الشمس غابت عن بلدها ***طلعوني في النفوذ وصكوا ابواب المدينه
كنهم من يوم ذيك الذاهبه محد وجدها ***كل رجال من الشرهه قلاه الدرب عينه
اترها ماتت وماتت كل فرحه في مهدها *** والربيع اقفتبه الي كانت التاج الجبينه
جاورت عقب الحدايق حفرت ما اقسى لحدها *** حفره ما ني مصدق كيف ضمت ياسمينه
للحزن فيني مثل مال الطهاره في جسدها *** وش اسوي لا بتشتلي وسط الخزينه
زخرفت حلم وبنت له مسكن وسمت ولدها *** اه لو غرت ولدها في خميله والدينه
عاهدتني واظفرت بيمين اقوام عهدها *** والصبي لا خير فيه ان كان ما نفذ يمينه
ما تثقى عن رثاها عرق اقتض بشهدها *** ولا تثقا خلف قضبان الجفن عذراء سمينه
كيف عند العالم ايام العزاء محصى عددها *** ولا انا طالت شهوره والله اعلم كم سنينه
لا الثرا فيها نبات وللمشيخه طب نكدها *** لا السما فيه طيور ولا البحر يمه سفينه
لا القمر هذا مساه ولا العصي هذا رغدها *** لا الزهر هذا شذاه ولا الذهب هذا رنينه
قالوا الشيخ الفلاني مرجع القوم وسندها *** قال يبشر بالعوض والعلم يجينا ناقلينه
ساق لك بدر البدور الي نشدها من نشدها *** جادر هزت عروش وخيبت روس ذهينه
جسمها في رسمها في جسمها ولا في رشدها ***واسمها انجال الغضب قومه على الالسن رطينه
اترك الناي وعطيه شيخنا غنا لسعدها ***انبسط يا عمر وانسى الي ورا التربه دفينه
قلت ولصدري تلاهي ان تروى من شهدها ***اه يا ويلاه من يجذب على قلبي ضنينه
خلوا اغلى ذاهبه ترعى ربيع الي فقدها *** والعطا راعيه محد صوبه الله لا يهينه
لو ضمنت الجنه بتفاحة القلب وشهدها *** قلت من بكره عسى مجنونها توقف سنينه
خالد عبدالرحمن
---
ترى عيني رأت حلوين .. ومثللك بالبشر نادر
في غاية روعه التكوين ..هني لك لها قادر
على كل البشر أغليك .. وانا لك روح مرهونة
واذا كان النظريرضيك ..عطاك العاشق عيونة
اذا غبتي عن عيوني .. اعيش بحسرتي وينك
حياة من دونك ودوني.. يباعد بيني وبينك
خالد عبدالرحمن
--
قلبي اللي لواه من الصواديف لاوي...جرّحته الليالي والحظوظ الرديّه
والله اني بوسط الناس كنّي خلاوي...من يلوم المفارق عقب فرقا خويّه
أشهد ان المفارق من عظيم البلاوي...مير هذا نصيبك يا العيون الشقيّه
أتصبر وأقول إني على البعد قاوي...والله أعلم بقلب(ن) فيه الأشواق حيّه
كيف راحت يابوتركي حياتي شقاوي...وين درب السعاده والحياة الهنيّه
ليت لأهل الهوى والحب قاضي دعاوي...كان أداعي عيون اللي فراقه خطيّه
كنّي المبلي اللي قطّعته المكاوي...كل ماجظ بالونّات زادوه كيّه

كلمات:خالد الفيصل..غناء:محمد عبده
----
شااايف نفسه...فيصل الراشد...
هذا اللي شايف نفسه ماشي ولا معبرني ... يتلفت هنا وهناك ولا كنه شايفني
والله لا أوريكم فيه والله أنا ما أخلية .... هو لعب وياي خلوه يتحملني
يكفي ليالي بيروت لما ألي بحبك موت ....وهلا بجنبي بيفوت ولا كنه شايفني
ولما لقيتو في بجدة شايله بأيدو وردة ...يبغاني أبقى عنده يحلف ولا يفارقني
---
ساكن الدفنة ( عيسى الكبيسي )
لي حبيب (ن) ساكن الدوحة
الروح من فرقاه مجروحة
يانا فدى قلبه مع روحه
صاحبي ماجوز من دونه
ساكن الدفنة محبوبي
وعند بابه حارت دروبي
شوفته ورضاه مطلوبي
صاحبي ماجوز من دونه
---
اذا تفارق شخص عادي مصيبه
وشلون لو فارقت منهو تحبه
يارب رجع كل حبيب لحبيبه
دام الحياة في بعدهم حيل صعبه

( مفارق )
عبدالمجيد عبدالله
---
------
تستاهل الحب

تستاهل الحب نجديَّـه
رفيعة الشَّان عجَّابـه
العين ياعيـن بحريَّـه
لقلوب الأحباب نهَّابه
والجيد ياجيد ريميَّـه
تجفل من الزول لعَّابـه
والرَّيح ياروض وسميَّه
نبت الخزامى تثنَّى بـه
صفيت مع صافي النيَّه
يوم الَّلذي صابني صابه
ما عاد لي روحه وجيَّه
وقف هوانا على بابـه
----
عيونك آخر آمالي وليلي اطول من iiاليم
كيف ألقى كلامٍ عذب يوصف دافي iiاحساسي

عشقتك قبل ما اشوفك وشفتك صرت كلي iiحلم
ابي رمشك يغطيني وابيك اقرب من انفاسي

يهمك تعرفي انك قتلتي في سنيني iiالهم
قتلني ضحكك وجدك قتلني لينك القاسي

رميت اقداري في دربك وصرتي في عروقي iiالدم
احبك كثر ماسالت دموع وما نسى iiناسي

يجول الحزن في ضلوعي بردت وذاب فيني العظم
و يا كثر الحطب حولي وعندك انكسر iiفاسي

سألتك بالذي زانك تحبي فيني حتى iiالظلم
تحبي عيوبي وغدري تحبي المر في iiكاسي

انا من كثر ما احبك ابيك كثر رمل iiاليم
وابيك فوق الناس وابي ماينحني iiراسي

قصيدة للشاعر : عبدالرحمن بن سعود
تغنى فيها : عبادي الجوهر
---
عبدالهادي حسين

سو كنك مادريت وبوسني
وسوها ثاني على أنك تعتذر
قول أسف منتبهت وضمني
والعذر مقبول ولك مني شكر
وكرر الغلطه معاي وخلني
انتظر عذرك بكل فارغ صبر
جيبني ثم ودني ثم جيبني
من حدود الشمس لحدود القمر
وين ماتبغى فديتك ودني
خادمك ياسيدي تحت الامر
هد حيلي بالغرام وهدني
والله اني ناذر لحبك نذر
تكفـــى بعثرني شظايا ولمني
في كفوفك يابعد كل البشر
وراح اسوي كني دخت وضمني
وراح اقول امزح وبوسك وعتذر
----
عيسى الكبيسي
جسمي نحل والكبد عافت لذيذ القول ...ياحلي ياللي قام يبدي به النقصان
يقولو العوذال رح تعالج على البيروت .... دكتوري عوقي عندكم يا هل الريان
انا من أول جاني والحين أخاف أموت ...... سبب علتي من جادلا قايد الغزلان
انا مابلي الا غزال سكن البيوت ... قريبا من الشارع على بيتهم نيشان
شفتة تعداني وسلم وحنا أسكوت .. سلام برمش العين من طرفه النعسان
بدأ بالاشارة خايفا لا يجيني الصوت .. يقول الحذر منهم ترى كلهم عدوان
ذبحني بعينا كنها الدر والياقوت .. ساعات نظرني فز له قلبي الحيران

أحلى بيت عجبني ...
شفتة تعداني وسلم وحنا أسكوت .. سلام برمش العين من طرفه النعسان
===
جمرة غضى
كلمات : بدر بن عبد المحسن
لحن : طلال مداح
غناء/ طلال مداح (رحمه الله)
جمرة غضى أضمها بكفي أضمها حيل حيل
أبي الدفا لو تحترق كفي
وأبي سفر في الليل
بردان أنا تكفى أبحترق أدفا
لعيونك التحنان و بعيونك المنفى
عيونك سفر في الليل
و الله الجفا برد و قل الوفا برد
و الموعد المهجور
ما ينبت الورد
يا حبي المغرور ياللي دفاك شعور
رد القمر للنور و باقي العمر في وعد
بردان أنا تكفى أبحترق أدفا
لعيونك التحنان و بعيونك المنفى
أوقد لها بصوتك
و هذا حطب عمري
أحرق شتا الغربه
تحاكيني بسكوتك
تنده لك جروحي
سنين الجفا الصعبه
يا شوقي الإعصار
لك يا بعيد الدار
جفن المطر و النار
جمرة غضى
---
هب نسناس
خالد عبدالرحمن
هب نسنانس الهوى لي من شمال حامل ريح الخزامى والنفل ..
من فياض ظبيها يلعب بدلال ليلامة والا من النشوة جفل
يذبح العشاق صعاب المنال كم شطيرا بالقنصة كم قتل
مثل شمس العيد فضاح الجمال كل نجما لي ظهر نورة أفل
خصني بمواجهة سحر الحلال .. وأشهد ان السحر في قلبي نزل
ظارين بمقابلة الرجال وارتعش قلبي من الفتنة خجل
قلت راح العمر من دون الوصال قال لو حاولت يالقاطع حصل
قلت لوني طامعا لو بالخيال كان بدلت التوجد بالأمل
ياندى الغيمة على ورد الجبال ياعبير زهور في ريضا السهل
أجتمع حسن الحيا بك والجنان .. ماتبدل بك مع العالم بدل
==
عمري ما تمنيت شي
قد ما تمنيت أشوفك
وأروي عيني من حلاك
وتلمس كفوفي كفوفك
لا تعيشني بخوف
وتعتذر لي بالظروف
حتى انا عندي ظروف
يمكن أصعب من ظروفك
( راشد الفارس )
---
أصالة الماضي
القمرة
أقول الي يبي القمرة
وهو في حبها مولع
أما هي تنزله
ولا هو لها يطلع
ألا يا ململم جروحك
ومعزم لها تطلع
أخاف يطول عليك الدرب
من نص الطريق ترجع
والي هو مو قد الشوق
لا يعشق ولا يهوى
لا يكابر ويقول أقدر
ما دام قليبه ما يقوى
لا تحسب ليا للحب
كل ساعة بها خلوة
ولا ظنت كل واحد
ترى يستاهل العنوة
مالك الا هذا الحد
ما يحل غيره ما ينفع
أما أنك تهول
ولا تروح لها وتخضع
(راشد الماجد)
---
العيون
هالعيون شلون املها
سحر ذوبني بغزلها
بوسة من عندك حبيبي
تسوى عندي الدنيا كلها
يا ضوى عيوني وحياتي
قلبي اقدملك هدية
اطلب اشما ردت مني
قول واتدلل عليا
انت مني وانا منك
مستحيل ابتعد عنك
ابتسم يا بعد عمري
ضحكتك ما قو مثلها
ذاب قلبي بالمحبة
لا تظن عنك اتوب
طيرت عقلي بغرامك
ياما ذوبت القلوب
انت حبي ونبض قلبي
بس تعال شوي قربي
يا اعز انسان عندي
واغلى من هالناس كلها
(راشد الماجد)
---
البارحة
البارحة يوم الخلايق نيامى بيحة من كثر البكى كل مكنون
قمت اتوجدله وأنثر علامى من فوق عيني دمعها كل مخزون
ولي ونت من سمعها ما ينامى كأني صويب بين الأضلاع مطعون
(الماجد)
--
ما اتصلتي ما سألتي .. ولا قلتي فلان شخباره
ما سهرتي ما تعبتي .. وما وصلتي لعتبت داره
وينك عني وينك .. ودي بشوفت عينك
انا مالي غيرك انتي هوا .. ولا غيرك لجروحي دوا
كاني غالي لي تعالي .. قبل حالي لا تذبل ازهاره
يا حنيني اللي فيني .. وعلى عيني تبين آثاره
ما عشقتي ولا ذقتي .. ما احترقتي بهالوا وناره
لو تجيني انسى ويلي .. وفيك ليلي تنور انواره
(الماجد)
---
هالاغنية احبها...ودايما اغنيها
دنيا حظوظ .. دنيا حظوظ والله رمى حظي معاه
عندي حبيب ماله حبيب إلا الذي يمشي برضاه
من وين وين يا ناس وين ألقاه يعني في هواه
أصبر عليه وان غاب اجيه وهو يتحداني بخطاه
وان قلت أبيه .. شالحل فيه لاني في أرضه او سماه
أنا بجهاد وهو بعناد .. والمشكلة يعرف غلاه
حاولت أقول الشرح يطول .. أشرق وتمنعني الدموع
مسك الختام وآخر كلام .. لاعاش حب في خضوع
(الماجد)
---
وهالاغنيه يوم كنا يهال نحبها ونألف بعد...
الله كريم الله كريم / يهون الجرح الأليم
لا صار ماطاع الزمان / خلك على الدنيا حليم
هونها بالصبر وتهون / ماهو غريبه من يخون
صار الوفا في ذا الزمان / محدن اذا قاله يصون
يا مابها الدنيا قلوب / تخدع ولايمكن تتوب
ان جيتهم أنت الحبيب / وان رحت حطوا بك عيوب
مادامت الدنيا تدور / خلك على الشدة صبور
اصبر وأقول الله كريم / يبدل الحزن بسرور
(الماجد)
--
مادام معايا القمر ..
مالي ومال النجوم .
مالي ومال السهر ..
مالي ومال الهموم .
مادام معايا القمر
مادام معايا القمر ..
ما أخاف غدر الليالي .
ما أخاف سكة سفر ..
ما شيل همٍ في بالي .
مادام معايا القمر
مادام معايا القمر ..
كيف راح اشوف النوم .
وأترك ليالي السهر ..
وابعد وأعيش محروم .
مادام معايا القمر

(طلال مداح)
---
اجيك يسلم راسك وشلون ماجيك
وياك انا بالـذات صعـب اتغلـى
والله مدري من الغلا وين اوديـك
تسوى عيوني ولا بعد يمكن اغلى
لاجيت انادي غيرك اسهى واناديك
غصبن عليا لين طـروك اتجلـى
روحي تناديلك وقلبـي يناديـك
عليك مافي دنيتـي شـي يغلـى
امـر تدلـل مالـك الا يرضيـك
قدرك على كـل الخلايـق تعلـى
قلنا التغلـى ميـر زدت التغلـي
والناس قالوا مـن تغلـى تخلـى

كلمات:خالد المريخي
غناء:الماجد
---
ياشيخ عبدالله قل للغضي قله
يرضيه أنا أتعذب باقي العمر كله
هذا وأنا أغليته ... من قلبي حبيته
من زود حبي له حبيت كل أهله
ياشيخ عبدالله خلي جفا بوصله
وش حيله المبلي بألف ومية عله
شوقي ملا صدري وهو ولا يدري
عنوانه بقلبي وعنواني مادلّه
ياشيخ عبدالله شيبك غزى راسك
والشيب لاحقني مثلك انا والله
والحال ياويلاه انهد به حيله
علمني شالحيله داخل عليك الله
( ياشيخ عبدالله )
عبدالمجيد عبدالله
----
ياحليله ياحليله يحتري مني أجيله
يكفي وياه أتكلم هاذي من عندي جميله
ان بكى خلوه يبكي وان شكى لله يشكي
أما أنا والله مبطي مدة غيابي طويله
يتحرى مني أسأل هذا في حكم المؤجل
بلغوه اني كشفته وكل يرووح لسبيله
يتعذب مايتعذب .. استقر ولا تغرب
حب غيري ولا ماحب .. (عادي وبلقى بديله)

ياحليله ( أحلام )
---
يامن يراعيني ::
يامن يراعيني بعينه واراعيه
في عيون قلبي كل مالاح زوله
يفز قلبي لا تبــدت موالــيه
واغض عنه الطرف والناس حوله
اقعد معه في الناس مااقد ر احكيه
اخشى لساني يختلف في مقوله
يغلي الحكي في خاطري مااقدر احاكيه
يصرخ بصدري صمت قد طال طوله
اسرح بفكري لا جا طاري فيه
لا اقدر ارد الهرج ولا اقدر اقوله
لا اقدر افيض سر قلبي ولا اخفيه
لا اقدر اداوي له جروح عليلة
يامن يناديني بقلبه واناديه
يامودع ليلي ليال طويلة
ينسى الغفى عيني اذا جيت باغيه
يامن يلوم الي خلا من خليله
----
الا ليت الزمن يرجع ورى ولا الليالي تدور .. ويرجع وقتنا الأول وننعم في بساطتنا
زمان أول أحس انه زمان فيه صدق شعور .. نحب ونخلص النية وتجمعنا محبتنا
زمن مافيه لاغيبه ولا حتى نفاق و زور .. ياليته بس لو يرجع ونسترجع طفولتنا
صغار قلوبنا بيضاء نعيش بعالم محصور ... ولا نعرف أبد أغراب ما غير عيال حارتنا
صحيح صغار بالتفكير لكن ماعلينا قصور ... نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور .. نحاول نزعج العالم في روحتنا و جيتنا
وعشان نأخر الحصه نخبي علبه الطبشور ... نشاغب بس في الآخر تميزنا برائتنا
نحب الضحك والهيصه نحب نط فوق السور ... نفرفش ليه مانفرفش مادام الضحك عادتنا
ولكن دارت الأيام وبان الخافي المستوور ... وصار الهم متعلي على قمة سعادتنا
كبرنا وصارت الدنيا تصف أحزاننا بالدور ... وتهدينا الألم والهم غصب عن عين رغبتنا
تعبنا من بلاوينا احد غني واحد مهموم .... وكلن غارق بهمه وبالآخر ....... تشتنا
وانا ما اقول غير الا ياليت أن الزمان يدور .... ويرجع للورى فترة ونعدل وضع ... عيشتنا !!

غناء:علي بن محمد
--
ياحمود لو انشدوا عنا
ترى الوعد راس تنورة
ترى البحر قبله عنا
في ديار من تلعب الكورة
قلة ترانا تمدنا
كلن يولع بدافورة
واشوف من راح مادنا
يذكرو ورا راس تنورة
لا واحسايف تزينا
ماشوفهم كود بالصورة
وحمود عند العرب غنى
يلعب على كل غندورة
وين انت ياللي تبي الظهران
قلة ترى انا في تنورة
---
تهددني تحب ثاني
وتنسى الحب وتنساني
نسيت انك في كم مرة
عجزت إنك تتحداني
أنت أتحداك , أنت أتحداك
إذا عزمت في فرقاك
إذا شفتك المفارق جد
تتوب تقول لي أنسى
أبيك تجرب الهجران
أبيك تروح للنسيان
أعرفك لو مشيت ورحت
تجيني محترق ولهان
حبيبي لو قدرت تروح
تفضل وابتعد مسموح
مسامح ما يجيك اللوم
مصيرك لي تجي مجروح
يا عمري لو زعلت إهدى
وخل الصمت لك مبدى
أنا مابي بالتجريح
إذا طال العتب تبدى
صحيح إن الزعل قاسي
كبير ويجرح احساسي
ولو وصلك صدقني
غرامك تاج في راسي
--
غناء:عبدالمجيد عبدالله
يعني تحسبين اكبر همي انتي
لا والذي سواك غيرك زيون
ماني قليل شر يمكن فطنتي
ومن يخطي بوحده ارده بمليون
وان اسألوا ربعك علامك ذبلتي
قولي لهم من حبي ذا اللي تشوفون
ياصلك حكين وانتي لاستجبتي
ماتشوفين اللي في القلب مكنون
ترى العقل نعمة
وذا عيبك انتي
غزالة تسرح على وين مايكون
ماعاد عندي لا ماسمعتي
لو تصبرين شوي يمكن يزيدون
---

تستاهل الحب نجديَّـه
رفيعة الشَّان عجَّابـه
العين ياعيـن بحريَّـه
لقلوب الأحباب نهَّابه
والجيد ياجيد ريميَّـه
تجفل من الزول لعَّابـه
والرَّيح ياروض وسميَّه
نبت الخزامى تثنَّى بـه
صفيت مع صافي النيَّه
يوم الَّلذي صابني صابه
ما عاد لي روحه وجيَّه
وقف هوانا على بابـه

يعطيك عافيه على هذي القصيده

المتميزه

ولاهنت على الموضوع

قصائد مغناه

قصائد مغناه

رد: قصائد مغناه