انــا والفيـل والضب ســداح .... قصة ايام الطف&

السلام عليكم ورحمه الله وبركاته

اليوم جايتكم وفي جعبتي حكايه ... حكايه صدقاه عشتها يوم تسان عمري

خمسه سنين وثمان شهور .

في يومن من ايام رحالاتنا الميمونه للربع الخالي

شاء القدر ان اغدي ... واتيه في الصحراء ومن قو العطش كان يتهيالي

سراب وكنت اطرده ... وعلى قوله القايل :

اطرد سرابي من قو الظما ... شفته واحسبنه غديري


وبعد ليلن مرير امر من زيت الخروع ساقتني اقدامي لغابه ( كن صديقي )

وفتحت البوابه وعيوني تناقزن على جمال السماء وربيع الخد >> الارض

ويجيني باقيرا >> رفيدز موكلي

ويرحب فيني ترحيبن ساخن ويقلطني في مجلسه ويقرب معاميله ويقهويني

في البدايه كنت مرتبتسه ومتنتسره للوضع بس خذيت راحتي

لما حسسني بالامان في غابتهم وعرفني على بازي اخوياه

وسهرنا ذيك الليله عند البعير ( صنت ) .. صراحه كان فله وبعيرن سخي وشاعر

سمعنا من قصايده قصيدتن في وضحى بنت عمه وكيف ماتت ضحيه حنشل :icon1366:


المهم .. مرت الايام وكونت صداقه وطيده مع الفيل ( مدعث ) والضب ( سداح )

صداقه يكتبلها التاريخ امجاد الوفاء

مدعث لما كنت اسهر معه في الليل كان يعاين في القمر ويشكيلي من حب الزرافه ( رناد )

ويشكيلي من صدها وجفاها له بس عشانه سميين

وبعد يام وليالي من سلسله الشكاوي جاني مدعث .. طلقن محياه وشدوقه من الفرحه

كنه كبوري من كباري الرياض ... قال لقيت الحل لقيته ؟

قلت وش مشكلته اللي لقيت حلها ... ؟

قال قر يت في موقع ( رشاتي سر وسامتي ) ريجيم يهووووووول يصلحلي

وراح ابداه من الليله لين اطيح تسبد هالرناد اللي متكبرتن علي

قلت يا رجال ارضى بنصيبك وخل عنك هالخرابيط

بعدين والله ماشوف في ( عبطى ) بنت خالتك شيئن يخليك تعاين في غيرها

قال : وش عبطى ماعبطى اصلن من اسمها احس اني بتوحم على عشرق .. قم بس قم

المهم .. اعتزلت الغابه انا وسداح ومدعث عشان الريجيم ونسويها سربرايس

مرت الايام وانا اشوف مدعث يتلوى من الجوع ومهاوش مصارينه يسمعها سكان المدينه

وبعد شهر من الفقر وطول السهر خسر مدعث 970 كيلو بايت

وغدى كنه فبلا داعسه وايت .. وجهه منصفق صفق وكرشته ناشبتن في ظهره

طلع ارشق من ( نعومي كامبل )

وقال يا الله الهمام خلونا نروح الغابه ونفاجاء ربايعنا

وفعلا دخلنا الغابه وكلن تفاجاء من قصرانا ورفايدزنا من الحيوانات

والاهم ان رناد تفاجئن واعجبت بمدعث كثيييييير

والحمد الله تبدلت ايام الجفا والصدود بالوصل والمحبه وقررو ينهون هالعلاقه

الحميده بارتباط رسمي ... وتمت امورهم على خير كلها

من موافقه رناد لين اخر بطاقه دعوى

وقبل زواج مدعث بيومين كنت سهرانه معه هو وسداح عند الشلال

وكان سداح يسولفلنا عن الاسد ( مصطفى ) وامه (عطيات ) اول مازارو الغابه قبل خمس سنوات

لاكن مدعث كان في وادي ثاني وكنت اشوف في ملامحه ملامح اعياء وتعب

وفجاءه .. قام قال استاذنكم انا بروح امرح احس اني مصدع ... وراح

وقعدت انا وسداح نكمل سواليفنا عن مصطفى وكخارته اول ماجاء من مصر

لين تعلم السلوم وصار .. حمر عين

وبعد مااصبح الصبح علينا .. صحيت ومالقيت احد حولي .. لا سداح ولا مدعث ؟؟

زعدت انادي عليهم وانادي ... بعدين سمعت اصوات وتجمع حيوانات وحاله


وانا مثل الاطرش في الزفه .. قربت منهم وعرفت بعد طول العنا .....!!!!


ان مدعث ... يطلبني الحل ح1

انفجعت بموته وضاقت علي ارض الغابه بفرقاه ح1

مرت ايام العزاء مثل الجاثوم في صدري كلما امر الوحل اتذكره ..

كلما اسمع اغنيه الاماكن اتذكره

كلما اشتاقله .. اتذكره

وبعد ماخلص العزاء قررت اهاجر واترك الغابه

ترجوني كلهم من اكبرهم مصطفى لين اصغرهم سداح

لاكن عييت وعيوني تغارق :icon1366:

وبعد مايائسو مني ودعوني وقفيت

رحلت انا وسداح من الغابه ووصلنا لمكان بعيد واسترحنا فيه

وقلت اليوم بنمسي هنا وباتسر نكمل مشوارنا

نمت نومتن محقى ماصحاني منها غير صوت الاوادم ومواترهم

ويوم صحيت لقيت عمري بين اثنين .. ذا يواسيني وذا يطبطب علي

قلت العلم وشو ... وخويي وينه ؟؟؟

قالو حنا كواشيت مرينا من عندكم وشفناك لحالك قلنا نسوي خير ونوديك لهلك

قلت وسداح ؟؟؟

قالو محد معك .. مير ربك سلم شفنا وزانك ضبن اشهب

صدناه لك وهذانا بنتغدى عليه >> يامال الغد اللي يغد بطونكم

ماصدقت لين شفت صويحبي وسط الزد يبتسي شبابه

كرهت نفسي والبشر والعالم كلها

وطحت على ركبي وانا اقول : :icon1366:

سداح لا تشكي من الزدر ناره .. والله يهون لاهب الضو يا صاح

بالامس فارقنا مدعث من دياره .. وضاقت وحلينا بهالضيق مسراح

واليوم تتركني بهالليل سماره .. لا صاحبن اشكيه من قلبي جراح

وداع يا رفيدز الطفوله ومشواره .. وداع يا مدعث ووداعي يا سداح



انتظروني في الجزء الثاني

وبعد الوادع ح1


ودمتم